Naye saal ki nayi aakanshanyien
isshtehaar sunate hai hume nayi subah ki khabre aur usse judi baatien
kuch aisi baatien jo mann dehlaade
aur kuch aisi jinhe sirf mann behlaa dene ke liye hi bataya gaya hai
mann me nayi ulhaas aur tarang hai par
shaam savere koi baat hai jo mann me baithi hui hai
naa keh paati hun, naa khud tak rakh paati hun...
Raahe kitni hi hai aage jinhe khud ke liye chunna hai
kuch dur tak le jaaye toh kuch manzil se bhatkaaye
nirantar aage chalte rehne par ek mod par lagta hai ke nahi pata kahaan jaa rahi hun
jo kar rahi hun woh sahi hai bhi yaa nahi
dekh lenge kya hi hoga yeh khayaal rehte hue
shaam savere koi baat hai jo mann me baithi hui hai
naa keh paati hun, naa khud tak rakh paati hun...
shabdh nahi bana paati bas kayi baar aasun beh jaate hai
akelepan ki sooyiyaan bahot chubhti hai
shikayat khudh se karu yaa dusron se
yeh bhi tey nahi kar paati theek se
shaam savere koi baat hai jo mann me baithi hui hai
naa keh paati hun naa khud tak rakh paati hun...
sab kehte hai samay ki dhaar, rait ki tarah hai
iss waqt me jyaada khush yaa maayus naa hona
yeh waqt bhi chala jaayega
shaam savere koi baat hai jo mann me baithi hui hai
naa keh paati hun naa khud tak rakh paati hun!!!
